သီလတရား

လူတို့တွင် ကိုယ်ကျင့်တရားသည် အခြေခံပဓာနကျသော တရားဖြစ်သည်။ ထို့အတူ ဗုဒ္ဓဘာသာတို့တွင်လည်း သီလတရားသည် အလွန်အရေးကြီးသော ကျင့်ဝတ်ဖြစ်ပါသည်။ ထိုသီလတရား များစွာထဲမှ ငါးပါးသီလသည် မဖြစ်မနေ အမြဲတမ်း စောင့်ထိန်းသင့်သည့်အားလျော်စွာ ထိုငါးပါးသီလ၏ အကျိုးအပြစ်တို့ကိုလည်း ဗုဒ္ဓဘာသာဝင်တိုင်း သိထားသင့်သည်ဟု ယူဆကာ ချမ်းမြေ့ဆရာတော်ဘုရားကြိးရဲ့ ဆောင်ပုဒ်များထဲမှ
ငါးပါးသီလဆိုင်ရာ အကျိုးအပြစ်ဆောင်ပုဒ်များကို ဖော်ပြပေးလိုက်ပါသည်။

သီလပျက်စီးခြင်း၏ ဆိုးကျိုးများ
သီလခေါ်ဆို၊ ကိုယ်ကျင့်တရား၊ ပျက်စီးငြားမူ၊ စီးပွားလည်းပျက်၊ နာမည်ပျက်၍၊ ရွံ့ရှက်ကြောင်လျင်း၊ ပွဲလယ်ချဉ်း၏၊ သေခြင်းဆိုက်လတ်၊ သတိလွတ်လျက်၊ ရောက်လတ်ဒုဂ္ဂတိ၊ ဆင်းရဲဖိသည်၊ ရ၏ ဆိုးကျိုးများစွာတည်း။

သီလစင်ကြယ်ခြင်း၏ ကောင်းကျိုးများ
သီလခေါ်ဆို၊ ကိုယ်ကျင့်တရား၊ စင်ကြယ်ငြားမူ၊ စီးပွားတိုးလျက်၊ နာမည်တက်၍၊ ရွံ့ရှက်ကြောက်ကင်း၊ ပွဲလယ်ချဉ်း၏၊ သေခြင်းဆိုက်လတ်၊ သတိကပ်လျက်၊ ရောက်လတ်နတ်ဝယ်၊ ဤငါးသွယ်၊ ရဖွယ်ကောင်းကျိုးတည်း။

ပါဏာတိပါတ၏ ဆိုးကျိုးများ
ညှဉ်းဆဲသတ်ဖြတ်၊ သက်တိုတတ်၏၊ များလတ်ရောဂါ၊ မကျမ်းမာဘူး၊ အင်္ဂါချို့ယွင်း၊ ဖောက်ပြန်ခြင်းကြောင့်၊ ရုပ်ဆင်းမလှ၊ ချိုးမကျဘဲ၊ ကွဲရချစ်သူ၊ မုန်းသူပေါများ၊ ကြောက်စိတ်များ၏၊ ကြီးမားစိုးပူ၊ နှိပ်စက်သူနှင့်၊ ရန်သူလည်းများ၊ ဆုတ်အင်အားနှင့်၊ သူများသတ်ဖြတ်၊ သေရတတ်၍၊ သေလတ်ပြီးခါ၊ ပါယ်လေးရွာ၊ ရောက်ရာလမ်းကြောင်း အမှန်တည်း။

ပါဏာတိပါတ ရှောင်ကြဉ်ကျိုးများ
သူ့သက်မသတ်၊ ရှောင်ကြဉ်လတ်မူ၊ မကပ်ရောဂါ၊ လွန်ကျမ်းမာလျက်၊ ရှည်စွာအသက်၊ ကြောက်မဖတ်ဘဲ၊ စိတ်လတ်ချမ်းသာ၊ ပူကင်းကွာ၍၊ အင်္ဂါပြည့်ဝ၊ အချိုးကျလျက်၊ လှပကိုယ်လက်၊ မနှိပ်စက်နိုင်၊ မသတ်နိုင်၊ မြဲခိုင်ကောင်းကျိုးတည်း။

အဒိန္နာဒါန၏ ဆိုးကျိုးများ ပိုင်ရှင်မပေးငြား၊ သူများဥစာ၊ ခိုးလုပါမူ၊ လေးဖြာအပါယ်၊ သူ၏နယ်တည်း၊ အကယ်၍များ၊ လူဖြစ်ငြားမူ၊ ရှားပါးဥစာ၊ ရခဲစွာမို့၊ မွဲပြာဆင်းရဲ၊ ရလဲကြာရှည်၊ မတည်ပျောက်ပျက်၊ မင်းနှိပ်စက်၍၊ စိတ်လက်မရွှင်၊ လိုအင်မပြည့်၊ ဆင်းရဲဖိသည်၊ ရ၏ ဆိုးကျိုးများစွာတည်း။

အဒိန္နာဒါန ရှောင်ကြဉ်ကျိုးများ
မခိုးဥစာ၊ ရှောင်ကြဉ်ပါမူ၊ ချမ်းသာကြွယ်ဝ၊ လိုရာရ၍၊ ရှာရလွယ်ကူ၊ ရပြန်မူလည်း၊ ရန်သူမဖျက်၊ မပျောက်ပျက်ဘဲ၊ တိုးတက်ပွားစည်၊ စည်းစိမ်တည်၏၊ လေးလီပါယ်ရွာ၊ မကျပါဘဲ၊ နတ်ရွာသုဂတိ၊ လားရဘိသည်၊ ရ၏ ကောင်းကျိုးများစွာတည်း။

ကာမေသုမိစ္ဆာစာရ၏ ဆိုးကျိုးများ
သူ့လင် သူ့မယား၊ မရှောင်ရှားဘဲ၊ ပြစ်မှားလေမူ၊ ထိုသည့်သူကား၊ ရန်သူပေါများ၊ ချစ်သူရှား၏၊ ယောက်ျားမပီ၊ မ မပီဘဲ၊ မကြည်အိနြေ္ဒ၊ ကျက်သရေမရှိ၊ ဟိရီမကပ်၊ သြတ္တပ်ကင်းကွာ၊ အင်္ဂါချို့တဲ့၊ ရှိန်စော်မဲ့၍၊ ချို့တဲ့ဥစာ၊ ဆင်းရဲရှာ၏၊ ကွဲကွာချစ်သူ၊ သောကဆူလျက်၊ စိတ်ပူပြင်းပြ၊ စိုးကြောင့်ကြနှင့်၊ လားရဒုဂ္ဂတိ၊ ဆင်းရဖိသည်၊ ရ၏ ဆိုးကျိုးများစွာတည်း။

ကာမေသုမိစ္ဆာစာရ ရှောင်ကြဉ်ကျိုးများ သူ့လင် သူ့မယား၊ မပြစ်မှားပဲ၊ ရှောင်ရှားလေမူ၊ ထိုသည့်သူကား၊ ရန်သူကင်းငြား၊ ချစ်သူများ၍၊ ယောက်ျားပီသ၊ ချမ်းသာလှ၏၊ ကြောင့်ကြစိုးပူ၊ မရှိမူဘဲ၊ ချစ်သူနှင့်တွဲ၊ ပျော်ရွှင်မြဲမို့၊ စိတ်လဲရွှင်ကြည်၊ မျက်နှာကြည်သည်၊ နတ်ပြည်သို့ ဖြောင်တန်း သူ၏လမ်း။

မုသာဝါဒ၏ ဆိုးကျိုးများ
မုသာဝါဒီ၊ ထိုသူသည်ကား၊ ပလီပလာ၊ သစာမတည်၊ ပြောတတ်သည်မို့၊ မပီစကား၊ မညီသွားနှင့်၊ ပုပ်ငြားပါးစပ်၊ ကိုယ်ခြောက်ကပ်လျက်၊ ညစ်ထပ်အိနြေ္ဒ၊ ကိုယ်နေမလှ၊ သြဇာကျ၏၊ နှုတ်ကကြမ်းထော်၊ စိတ်လျပ်ပေါ်၍၊ သေသော်ဒုဂ္ဂတိ၊ လားရဘိသည်၊ ရ၏ ဆိုးကျိုးများစွာတည်း။

မုသာဝါဒ ရှောင်ကြည်ကျိုးများ
လှည်းစားလိမ်ညာ၊ ရှောင်ကြဉ်ခွါ၍၊ သစာစကား၊ ပြောဆိုငြားမူ၊ စကားလဲပီ၊ သွားလဲညီ၍၊ သားရည်စိုပြေ၊ ကိုယ်နေလှပ၊ အချိုးကျ၏၊ နှုတ်ကချိုသာ၊ ထက်သြဇာနှင့်၊ စိတ်မှာတည်လျင်း၊ ပျံ့လွင့်ကင်း၍၊ ခံတွင်းနံ့ကြိုင်၊ သင်းပျံ့လှိုင်သည်၊ ပိုင်ပိုင်တက်လှမ်း၊ နတ်တို့နန်း။

သုရာမေရယ၏ ဆိုးကျိုးများ
အရက်သေစာ၊ သောက်စားပါမူ၊ ရောဂါလည်းများ၊ ခိုက်ရန်ပွား၍၊ စီးပွားလည်းပျက်၊ နာမည်ပျက်၏၊့ ကြောက်ရှက်မဲ့လျင်း၊ သတိကင်းလျက်၊ လုပ်ခင်းဆောင်တာ၊ မေ့လျော့ခါဖြင့်၊ ပညာလည်းမဲ့၊ ဥာဏ်နုံ့နဲ့၍၊ ကင်းမဲ့ဆင်ခြင်၊ မြော်မြင်မရှိ၊ ပြုမိပြုရာ၊ ပြုတတ်စွာ၏၊ ၀ါစာဖရု၊ ပိသု မုသာ၊ ထင်ရာပြောကြား၊ သမီးသားလည်း၊ စိတ်ထားမတည်၊ ဟိရီမကပ်၊ သြတ္တပ်မယှဉ်၊ ကတညုတ၊ ကတဝေဒီ၊ မသိတတ်ငြား၊ ဖိုးသမားသည်၊ လေးပါးအပါယ် ဖြောင့်ဖြောင့်တည်း။

သုရာမေရယ ရှောင်ကြဉ်ကျိုးများ
အရက်သေစာ၊ ရှောင်ကြဉ်ပါမူ၊ ရောဂါလည်းကင်း၊ ခိုက်ရန်ရှင်း၍၊ သတင်းကောင်းပြေး၊ ရပ်တိုင်းမွှေး၏၊ လုပ်ရေးဆောင်တာ၊ ရှိသောခါလည်း၊ မကွာသတိ၊ လုပ်ဆောင်ဘိ၏၊ ဖွားတည့်လေငြား၊ သမီးသားလည်း၊ စိတ်ထားတည်ကြည်၊ ဟိရီသြတ္တပ်၊ အစဉ်ကပ်လျက်၊ မြဲချပ်သတိ၊ သူ့မှာရှိသည်၊ ဂတိဖြောင့်တန်း ထက်သို့လှမ်း။

သူတော်ကောင်း၏ ဂုဏ်ရနံ့
စပယ်ကြက်ရုံး၊ ဂမုံးနှင်းဆီ၊ ပန်းထွေလီတို့၊ လေပြည်လေညှင်း၊ သူဆောင်ကျဉ်း၍၊ ပျံ့သင်းမွှေးကြိုင်၊ လေအောက်လှိုင်လည်း၊ မလှိုင်လေညာ၊ မမွှေးသာဘူး၊ ဆယ်ဖြာသုစရိ၊ စုံညီပြည့်မူ၊ ထိုသည့်သူ၏၊ မွှေးကြူသင်းပျံ့၊ ဂုဏ်ရနံ့ကား၊ ပျံ့နှံ့အောက်ထက်၊ လေဆန်တတ်၍၊ ဘ၀ဂ်တိုင်ထိ၊ ပျံ့လှိုင်ဘိသည်၊ သူ၏ သီလဖြူသောကြောင့်။

(အကျင့်သီလနှင့် ပြည့်စုံသူ၊ ကိုယ်ကျင့်တရား ကောင်းသူသည် သီတင်းသုံးဘော်၊ တရားကျင့်ဘော်တို့၏ ချစ်ခင်လေးမြတ်မှုကို ခံယူရသည်။)
(ချမ်းမြေ့ဂုဏ်တော်ဘုရားရှိခိုးမှ)
အရှင်ကုမုဒ

မေတ္တာသာရဏီယတရား

ကာယကံမေတ္တာ
မေတ္တာနှင့်ယှဉ်၊ ပြုမူလျှင်၊ အစဉ်အောက်မေ့ဖွယ်။
သူ့ဂုဏ်ကျေးဇူး၊ မမေ့ဘူး၊ အထူးအောက်မေ့တယ်။
အများချစ်ခင်၊ ရိုသေချင်၊ ခင်မင်လေးစားတယ်။
စိတ်ဝမ်းမကွဲ၊ တစ်သွေးတည်း၊ ညီလည်းညီညွတ်တယ်။
ညီညွတ်သူဆောင်၊ ဆောင်တိုင်းအောင်၊ လူ့ဘောင်ငြိမ်းချမ်းတယ်။

ဝစီကံမေတ္တာ
မေတ္တာနှင့်ယှဉ်၊ ပြောဆိုလျှင်၊ အစဉ်အောက်မေ့ဖွယ်။
ချိုသာစကား၊ ကျိုးလိုလား၊ ကြားရချမ်းသာတယ်။
သူ့ဂုဏ်ကျေးဇူး၊ မမေ့ဘူး၊ အထူးအောက်မေ့တယ်။
အများချစ်ခင်၊ ရိုသေချင်၊ ခင်မင်လေးစားတယ်။
စိတ်ဝမ်းမကွဲ၊ တစ်သွေးတည်း၊ ညီလည်းညီညွတ်တယ်။
ညီညွတ်သူဆောင်၊ ဆောင်တိုင်းအောင်၊ လူ့ဘောင်ငြိမ်းချမ်းတယ်။

မနောကံမေတ္တာ
မေတ္တာနှင့်ယှဉ်၊ စိတ်ထားလျှင်၊ အစဉ်အောက်မေ့ဖွယ်။
သူ့ဂုဏ်ကျေးဇူး၊ မမေ့ဘူး၊ အထူးအောက်မေ့တယ်။
အများချစ်ခင်၊ ရိုသေချင်၊ ခင်မင်လေးစားတယ်။
စိတ်ဝမ်းမကွဲ၊ တစ်သွေးတည်း၊ ညီလည်းညီညွတ်တယ်။
ညီညွတ်သူဆောင်၊ ဆောင်တိုင်းအောင်၊ လူ့ဘောင်ငြိမ်းချမ်းတယ်။
(ချမ်းမြေ့ဂုဏ်တော်ဘုရားရှိခိုးမှ)
အရှင်ကုမုဒ

အောင်မြင်ကြောင်းတရား

မကောင်းမှုရှောင်၊ ကောင်းမှုဆောင်၊ ဖြူအောင်စိတ်ကိုထား။
ပြော.ပြု.တွေးလျှင်၊ သတိယှဉ်၊ ဆင်ခြင်ဥာဏ်ရှေ့သွား။
စိတ်ထားဖြောင့်မှန်၊ ခွင့်လွတ်ရန်၊ သီးခံမေတ္တာထား။
ဲလုံ့လနှင့်ဇွဲ၊ မလျော့ဘဲ၊ အမြဲတင်းတင်းထား။
အရာရာတွင်၊ အသုံးဝင်၊ အောင်မြင်ကြောင်းတရား။

ဝါတွင်းဥပုသ်နေ့

ပရိယတ် ပဋိပတ် သာသနာနှစ်ရပ်ကို ကြိုးစားအားထုတ်နေသော ငွေတောင်ဦးကျောင်းတိုက်တွင်

ဝါတွင်း ၀ါပ အချိန်ပြည့်ယောဂီများ စာသင်သားများဖြင့် စည်ကားလျှက် ရှိနေသည်မှာ အမှန်ပင်ဖြစ်သည်။

ယခုလည်း ၀ါတွင်းအခါ ဥပုသ်သည်များနှင့် ယောဂီများအား ကမဋ္ဌာန်ကျောင်းဆရာတော်ဘုရားကြီးမှ တရားချီးမြင့်နေစဉ် ဓာတ်ပုံတစ်ချို့ကို အများပြည်သူများ သဒ္ဓါတရားတိုးပွားနိုင်စေရန် ဝေမျှလိုက်ပါသည်။

အရှင်ကုမုဒ

ကြည်ညိုသဒ္ဓါပွားနိုင်ကြပါစေ။

စေတနာဟူသည်

စေတနာဟူသောစကားကို လူတိုင်းပြောဆိုသုံးနှုန်းနေကြသော်လည်း စေတနာရဲ့အဓိပ္ပါယ်ကိုတော့ လူတိုင်းနားမလည်ကြပါ။ စေတနာဟု ပြောလိုက်သည်နှင့် လူတို့သည် အကောင်းဟုသာ ထင်မြင်နေကြသည်။ တကယ်တော့ စေတနာသည် အကောင်းအဆိုးနှစ်မျိုးဒွန်တွဲနေသော အရာတစ်ခုဖြစ်သည်။ ကောင်းတာပဲလုပ်လုပ် ဆိုးတာပဲလုပ်လုပ် စေတနာပါစမြဲပင်။ စေတနာသည် အကြောင်းတရားသက်သက်မျှသာ ဖြစ်သောကြောင့် စေတနာနှင့်ကင်းသောအလုပ်သည် အလွန်ရှားပါးသည်။ လုပ်ချင်၍ လုပ်လိုက်မိသော သိလျှက်နဲ့လုပ်လိုက်မိသော အလုပ်ဟူသမျှသည် စေတနာပါစမြဲသာ ဖြစ်သည်။ စေတနာအားကောင်းလျှင် အကျိုးပေးတရားကောင်းမည် စေတနာအားနည်းလျှင် အကျိုးပေးတရားနည်မည်။ ကောင်းသောအလုပ်ပဲဖြစ်ဖြစ် မကောင်းသောအလုပ်ပဲဖြစ်ဖြစ် မိမိလုပ်ချင်၍ လုပ်လိုက်မိသော သိလျှက်နဲ့လုပ်လိုက်မိသော အလုပ်ဟူသမျှသည် စေတနာပါစမြဲသာဖြစ်သည်။ မိမိလုပ်ချင်၍ဟု ဆိုရာ၌ လုပ်ချင်သောစိတ်သည် ဆန္ဒသာဖြစ်ပြီး ထိုအလုပ်ကိုလုပ်ဖို့ရန် တိုက်တွန်းစေ့ဆော်တတ်သောတရားသည် စေတနာဖြစ်သည်။ ထိုစေတနာရဲ့တိုက်တွန်းစေ့ဆော်မှုအားကြောင့် လုပ်ချင်နေသောအရာတစ်ခုကို လုပ်လိုက်မိပြီး လုပ်လိုက်၍ ရရှိလာသောအကျိုးတရားကို မျှော်ကိုးစိတ်သည် လောဘပင်ဖြစ်သည်။တကယ်တော့ စေတနာသည် စေ့ဆော်တိုက်တွန်းတတ်သော အရာတစ်ခုမျှသာ။ လူတိုင်းလူတိုင်းသည် စေတနာဟု ပြောလိုက်သည်နှင့် အကောင်းဘက်ကချည်းထင်မြင်နေတတ်သည်မှာ မှားယွင်းနေမှု တစ်ခုပင်ဖြစ်ပါသည်။ ထင်ရှားအောင်ပြောပြပါမည်။ တန်းကျောင်းတစ်ခုတွင် ကျောင်းသား/ကျောင်းသူများ ကျောင်းဝင်းအတွင်း တံမြတ်လှည်း သန့်ရှင်းရေးလုပ်ကြရာဝယ် အပျင်းထူ၍ ရှောင်ပုန်းပြီး ယောင်ဝါးဝါးလုပ်နေသော ကျောင်းသား/ကျောင်းသူကို တွေ့လျှင် တခြားသောကျောင်းသား/ကျောင်းသူများနှင့်ဆရာဆရာမများတို့သည် ဒီကျောင်းသား/ကျောင်းသူ အလွန်ပျင်းတာပဲ စေတနာမွဲလှချည်လားဟု ပြောဆိုတတ်ကြည်သည်။ တကယ်တော့ ထိုကျောင်းသား/ကျောင်းသူသည် စေတနာမွဲသည်မဟုတ်။ တံမြတ်လှည်းသန့်ရှင်းရေးလုပ်လိုတဲ့ဘက်၌ တိုက်တွန်းစေ့စော်တတ်သော စေတနာနည်းပါးပြီး အလုပ်မလုပ်လိုသည့်ဘက်၌ (အပျင်းထူသည့်ဘက်၌) စေ့စော်တိုက်တွန်းတတ်သော စေတနာအားထက်သန်နေခြင်းမျှသာဖြစ်ပါသည်။ လူတစ်ယောက် ပျင်း၍အိပ်လိုသောစိတ်ရှိနေလျှင် ထိုလူကို အိပ်အောင်စေ့စော်တတ်သောစေတနာသည် အားပေး၍ အထောက်အကူပြုလိုက်လျှင် ထိုလူသည် အိပ်လိုက်လေတော့သည်။ ထိုအိပ်လိုသောစိတ်ကို အခြားသောကောင်းသည့်ဘက်၌ စိတ်ညွတ်လိုက်လျှင် စိတ်ညွတ်လိုက်သည့်ဘက်၌ စေတနာကစေ့စော်မှုပိုအားကောင်းသွားပါလျှင် ထိုလူသည် မအိပ်ဖြစ်တော့ဘဲ ကောင်းသည့်စိတ်ညွတ်လိုက်သည့်အလုပ်ကို လုပ်မိသွားမှာ အသေအချာပင်။ ထို့ကြောင့် ဘယ်အလုပ်ပဲလုပ်လုပ် စေတနာနှင့်ကင်းသည့်အလုပ်သည် အလွန်ရှားပါးသည်။ ဆက်၍ပြောပါဦးမည်။ ရပ်ထဲရွာထဲ၌ ရပ်ရွာအကျိုးကို စွမ်းစွမ်းတမံ ဆောင်ရွက်နေသောသူတို့ကိုတွေ့လျှင် ဒီလူတွေ စေတနာအလွန်ကောင်းတာပဲဟု ပြောဆိုတတ်ကြပါသည်။ စေတနာကောင်းတာပဲဟုဆိုရာ၌ စေတနာ အားကောင်းခြင်း စေတနာများခြင်းကို ဆိုလိုကြသည်။ ထိုသို့ဆိုလျှင် ရပ်ရွာအကျိုးကို မသယ်ပိုးသောသူတို့သည် စေတနာမရှိသကဲ့သို့ ဖြစ်နေသည်။ ထိုသို့မဟုတ်ပါ။ ရပ်ရွာအကျိုးကို မသယ်ပိုးသောသူတို့၌ မကောင်းတဲ့(အကုသိုလ်)စေတနာများပျားအားကောင်းနေပြီး ကောင်းတဲ့ (ကုသိုလ်) စေတနာ အားနည်းနေခြင်းသာဖြစ်သည်။ စေတနာသည် ကောင်းတဲ့ (ကုသိုလ်စေတနာ) မကောင်းတဲ့ (အကုသိုလ်)စေတနာဟု နှစ်မျိုးရှိကြောင်းကို လူတို့အသိနည်းနေခြင်းကြောင့် စေတနာဟူသောစကားကို လွယ်လင့်တကူ သုံးနှုန်းပြောဆိုနေကြခြင်းဖြစ်သည်။
ထိုသို့ပြောဆိုနေကြခြင်းကို အပြစ်ဟု မဆိုသာပါ။ လူတို့တွင်မပြောနှင့် စေတနာနှစ်မျိုးရှိကြောင်းကို သိထားကြသော ဘုန်းတော်ကြီးတစ်ချို့သည်ပင် ထိုကဲ့သို့ လွယ်လင့်တကူ ပြောဆိုနေကြသည်မှာ အများအပြားပင်ဖြစ်သည်။ ဘုန်းတော်ကြီးကျောင်းများ၌ ဝေယျာဝစပြုလုပ်ရမှာ ပျင်း၍ ချောင်ခိုပြီးအိပ်နေသော ကိုရင်ကျောင်းသားများကိုတွေ့လျှင် ဒီကိုရင် ဒီကျောင်းသား ဒီကျောင်းသားအလွန်စေတနာနည်းတာပဲဟု ပြောဆိုဆုံးမတတ်ကြသည်။ အမှန်ဆိုရသော် ထိုကိုရင်ကျောင်းသားသည်စေတနာနည်းနေခြင်းမဟုတ်။ ဝေယျာဝစလုပ်လိုသော ကောင်းသည့်ကုသိုလ်ဘက်၌ စေ့စော်တိုက်တွန်းတတ်သောစေတနာအားနည်းနေပြီး ဝေယျာဝစမလုပ်လိုသည့် (အပျင်းထူသည့်) ဘက်၌ စေ့စော်တိုက်တွန်းတတ်သော စေတနာအားကောင်းနေခြင်းသာဖြစ်သည်။
နောက်တစ်ခုပြောပြပါဦးမည်။ လူတို့သည် အလှူအတန်းရက်ရောသော ပုဂ္ဂိုလ်များကိုတွေ့လျှင် ဒီလူဟာ စေတနာ အရမ်းကောင်းတာဟု တစ်ချို့ပြောဆိုတတ်ကြပါသည်။ ဒါဆိုမဟုတ်ဘူးလားဟု မေးလျှင် ဟုတ်တော့ ဟုတ်ပါသည်ဟု မယုတ်မလွန်ဖြေကြားရပါမည်။ အလှူအတန်းရက်ရောခြင်းသည် သဒ္ဓါတရားအားကောင်းခြင်းကြောင့်သာဖြစ်သည်။ သဒ္ဓါတရားများ တဖွားဖွားဖြစ်ပေါ်လာတဲ့အခါ ထိုသဒ္ဓါတရားကြောင့်ပင် လှူချင်တဲ့စိတ်များ ဖြစ်ပေါ်လာသည်။ လှူချင်တဲ့စိတ်များဖြစ်ပေါ်လာတဲ့အခါ ဖြစ်ပေါ်လာတဲ့စိတ်အတိုင်း လုပ်ဖြစ်အောင် တိုက်တွန်းစေ့စော်တတ်သောတရားသည် စေတနာပင်ဖြစ်သည်။ ထိုသို့သောစေတနာသည် ကောင်းသောစေတနာ ကောင်းသောအလုပ်ပင်ဖြစ်သည်။
ထိုသို့ပင် မကောင်းသည့်ဘက်၌လည်း စေတနာသည်ပါဝင်၍ ဖြစ်ရသည်။ ဘ၀ပေးအခြေအနေကြောင့်ပဲ ဖြစ်ဖြစ်၊ စားဝတ်နေရေးအခြေအနေကြောင့်ပဲ ဖြစ်ဖြစ်၊ ၀ါသနာကြောင့်ပဲဖြစ်ဖြစ် အပျော်သက်သက်ပဲဖြစ်ဖြစ် အမဲလိုက်ခြင်းစသော မကောင်းသောအကုသိုလ်အလုပ်တို့ကို လုပ်မိတတ်ကြသည်။ ထိုမကောင်းမှုတို့ကို လုပ်ရာ၌ လုပ်လိုသောစိတ်များသည် လောဘ ဒေါသ မောဟစသော အရင်းခံအကြောင်းတရားများကြောင့် ဖြစ်ပေါ်လာရသည်။ ဖြစ်ပေါ်လာသည့်အတိုင်း လုပ်မိအောင် တိုက်တွန်းစေ့စော် နိုးဆော်တတ်သော တရားသည် (ဖြစ်ပေါ်လာသည့် စိတ်အတိုင်း လုပ်လိုက်မိခြင်းသည်) စေတနာပင်။ ဒါကြောင့်ကျမ်းဂန်၌ စေတနာ ဘိက္ခဝေ ကမ္ပံ ၀ဒါမိဟု ပညာရှိတို့ ဆိုမိန့်ခဲ့ကြသည်။ စေတနာသည် အလုပ်ဟု ဆိုလိုရင်းဖြစ်သည်။ ဒါကြောင့် ကောင်းသော (ကုသိုလ်)အလုပ်ဖြစ်ဖြစ်၊ မကောင်းသော (အကုသိုလ်)အလုပ်ဖြစ်ဖြစ် စေတနာသည် ပါဝင်ရစမြဲဖြစ်သည်။
သို့သော်စေတနာနှင့်ကင်းသော အလုပ်သည်မရှိဟု မဆိုလိုပါ။ လူတစ်ယောက် အာရုံများနေ၍ ခလုပ်တိုက်မိသည်။ ထိုခလုပ်တိုက်ခြင်း၌ စေတနာမပါ။ လူတစ်ယောက် သူများဈေးဆိုင်ထဲမှ ပစည်းတစ်ခုခုကို ကောက်ယူခဲ့မိသည်။ ထိုသို့ကောက်ယူခဲ့ခြင်း၌ စေတနာမပါ။ မှန်ပါသည်။ အမှတ်တမဲ့ဖြင့် ပြုလုပ်မိသော အရာတို့၌ စေတနာမပါ ပါ။
ဗုဒ္ဓဘုရားရှင် သက်ရှိထင်ရှားရှိစဉ်အခါက စက္ခုပါလမထေရ်သည် စင်္ကြံလျှောက်ရာ၌ မျက်စိမမြင်၍ ပိုးကောင်ငယ်လေးများကို နင်းမိရာ ပိုးကောင်လေးများသေဆုံးကြရသည်။ ထိုသို့နင်းရာ၌ ပိုးကောင်လေးများကို နင်းလိုသော သေစေလိုသော စေတနာမပါ။ ထိုသို့စေတနာမပါသော လုပ်ရပ်တို့၌ အကျိုးတရားမရှိပေ။ သိထားသင့်သည်မှာ ကောင်းသောအလုပ်ပဲဖြစ်ဖြစ် မကောင်းသောအလုပ်ပဲဖြစ်ဖြစ် လုပ်ချင်၍လုပ်လိုက်မိသော သိလျှက်နှင့်လုပ်လိုက်မိသော အရာတို့၌ စေတနာသည်ပါဝင်စမြဲဖြစ်သည်။ လုပ်လိုသော စိတ်ဆန္ဒအားကောင်းလျှင် စေတနာအားကောင်းမည်။ စေတနာအားကောင်းလျှင် အကျိုးပေးအားလည်းကောင်းမည်။
ဒါကြောင့် မိမိအတွက်ရော သူတစ်ပါးအတွက်ပါ အကျိုးဖြစ်စေမည့် ကောင်းသောအလုပ်ဟူသမျှ၌ စိတ်အားထက်သန်စွာလုပ်ခြင်းဖြင့် စေတနာအားကောင်းအောင်ကြိုးစားပြီး မိမိအတွက်ရော သူတစ်ပါးအတွက်ပါ အကျိုးယုတ်စေမည့် မကောင်းသောအလုပ်တို့ကို မလုပ်မိအောင် နေခြင်းဖြင့် မကောင်းသည့်စေတနာများ မကောင်းသည့်လုပ်ရပ်များ နည်းပါးအောင် မိမိစိတ်ကို ပြုပြင်ထိန်းသိမ်းနိုင်ဖို့ရာ လွန်စွာအရေးကြီးလှပါသည်။
ထိုသို့ပြုလုပ်ဆောင်ရွက်သွားနိုင်ပါလျှင် မိမိနှင့်တကွ မိမိရဲ့ပတ်ဝန်းကျင်မှာပါ စိတ်ချမ်းသာခြင်း ကိုယ်ချမ်းသာခြင်းများဖြင့် သာယာပျော်ရွှင်ဖွယ်ကောင်းသော ဘ၀လေးတွေကို ပိုင်ဆိုင်နိုင်ကြမည်မှာ အသေအချာပင်။ သာယာပျော်ရွှင်ဖွယ် ဘ၀လေးတွေကို ပိုင်ဆိုင်နိုင်ဖို့ လူတိုင်းလူတိုင်း မကောင်းသည့်ဘက်၌ ဖြစ်ပေါ်လာသော စေတနာတွေကို ရိုက်ချိုးပြီး ကောင်းတဲ့ဘက်၌ ကောင်းမွန်တဲ့စေတနာတွေ အားကောင်းလာအောင် ကြိုးစားနိုင်ကြပါစေဟု ပန်ခြွေတောင်းဆု ဆန္ဒပြုလိုက်ရပါသည်။
(စေတနာနှင့်ပတ်သက်၍ တက်နိုင်သလောက် အပြည့်အစုံရေးသားလိုသော်လည်း ဆိုဒ်ပေါ်တွင်ဖြစ်၍ မရေးသားနိုင်သည်ကို နားလည်ပေးကြပါ။ မရှင်းလင်းပါက kumuda775@gmail.com သို့ မေးပို့၍ ပြောကြားနိုင်ပါသည်)

အရှင်ကုမုဒ